जर तुम्ही इंटरनेटवरून भरपूर काही डाउनलोड करत असाल तर रॅपिड्शेअर तुम्हाला चांगलेच परिचयाचे असणार. आणी जरी तुम्ही याबद्दल अनभिज्ञ असाल तरी हरकत नाही झम्प्या येथे तुम्हाला यां जगप्रसिद्ध आणी सर्वात लोकप्रिय अशा फाइल सर्विस वेबसाईटची माहिती देणार आहे.
इंटरनेट वर डॉक्युमेंटस , व्हिडियो फाइल्स, गेम्स, मूवीज वा इतर कोणत्याही प्रकारची माहिती वा फाईल्स शेअर वा डाऊनलोड करण्यासाठी करोडो युजर्स रॅपिड्शेअरचा उपयोग करतात. आता आपण पण तो करणार आहोत आणी तोही एखाद्या प्रो सारखा. तो कसा?
रॅपिड्शेअर ही एक पेड आणी फ्री दोन्ही प्रकारची सर्विस आहे. पेड म्हणजे पैसे भरून काही कालावधीकरिता ही सर्विस वापरता येते. तर फ्री मध्ये पण तुम्ही ही सर्विस वापरू शकता परंतु त्यात काही अडचणी आहेत आणी त्यां मुद्दामच ठेवल्या आहेत जेणेकरून तुम्ही पेड सर्विस वापरावी. पण शेरास सव्वाशेर याप्रमाणे ह्या अडचणींवर मात करण्यासाठी काही ट्रिक्स पण आहेत. आणी त्याच आपण येथे जाणून घेणार आहोत.
प्रथम आपण अडचणी समजूया. स्लो स्पीड, एका वेळेला एकच फाइल डाउनलोड, टाईम वेट (काही काळ थांबा), कॅप्चा इमेज इत्यादी अडचणी फ्री रॅपिड्शेअरमध्ये येतात. आता त्यां दूर करण्यासाठी खालील टूल्स आपण वापरणार आहोत.
काही काळ थांबा (टाईम वेट) स्कीप करण्यासाठी तुम्ही
जर फायरफॉक्सचा वापर करत असाल तर SkipScreen नावाच्या add on चा वापर करू शकता.
जर तुम्ही दुसरा कोणताही ब्राउजर वापरत असाल तर
jDownloader चा उपयोग करा. jDownloader हे एक जावा बेसड अप्लीकेशन आहे
व मेमरीही खूप कमी खाते. ह्यात resume download चे पण ऑप्शन आहे.
पण कधी कधी ते रीज्युम केल्यावरही ERROR MESSAGE देते. त्यामुळे शक्यतो तुम्ही पूर्ण डाउनलोड झाल्याशिवाय हे बंद करू नका.
जर तुम्हाला एका वेळेला अनेक फाईल्स डाउनलोड करावयाच्या असतील तर
त्यासाठी थांबण्याचीही काही एक आवश्यकता आता नाही.
तुम्ही फक्त Rapidshare Auto Downloader हा एक छोटासा फ्री प्रोग्राम् इन्स्टॉल करायचा.
हा एक अफलातून प्रकार आहे. जरूर वापरून बघा.
त्याचबरोबर Rapidshare Download Accelerator हे एक आणी RapGet नावाची टूल्सपण तुम्ही ट्राय करू शकता.
तर तुम्ही आता तयार आहात वाटेल तितके आणी वाटेल तेंव्हा डाउनलोड करायला.
झम्प्या झपाटलेला! 