मित्रांनो आज मला आलेल्या प्रतिक्रियांमध्ये एक प्रतिक्रिया खरे तर सूचना अशी होती की ह्या ब्लॉगवरील माझी एक पोस्ट एका वाचक मित्राला खूप आवडली. ती त्याला इतरांबरोबर शेअरही करायची होती पण ती शेअर करण्यासाठी त्याला हवे तसे ऑप्शन तिथे नव्हते. त्या वाचक मित्राचा ब्लॉग गुगलच्या ब्लॉगरवर असल्याने त्याला तिथे त्याचे लेख शेअर करण्यासाठी बरेच ऑप्शन्स आहेत. पण वर्डप्रेस.कॉम असे ऑप्शन्स आपल्याला देत नाही. वर्डप्रेस.कॉम सुरक्षिततेच्या कारणास्तव आपल्या ब्लॉगवर जावा स्क्रिप्ट रन करायला परवानगी देत नाही. आणि त्यामुळेच आपल्याला आपला लेख इतरांपर्यंत पोहोचवण्यास वा शेअर करण्यास थोड्या अडचणी येतात. हां हल्लीच काही दिवसांपूर्वी वर्डप्रेसने ट्विटरची सोय आपल्याला उपलब्ध करून दिली आहे. परंतू ट्विटरपेक्षा आपल्याकडे फेसबुक, गुगल बझ, याहू बझ, ऑर्कुट हे जास्त लोकप्रिय आहेत. आणि माझ्या माहितीप्रमाणे अजून तरी वर्डप्रेसने ह्यापैकी कोणालाही आपला दरवाजा उघडलेला नाही. पण त्यांनी नाही उघडला म्हणून आपण काय हातावर हात ठेऊन गप्प बसायचे…..नाही नं….म्हणूनच आज ठरविले…आपली पोस्ट जर एखाद्याला आवडली तर त्याला ती तिथल्या तिथे कोणाहीबरोबर, कोणत्याही सोशल साईटवर, कोणत्याही ठिकाणी ताबडतोब शेअर करता आली पाहिजे.
बऱ्यापैकी गुगलिंग केल्यावर मला अनेक उपाय सापडले. त्यातले काही खूप किचकट होते तर काही खूप सोपे पण त्रासदायकही होते. बरेचशे मी ट्रायही केले. शेवटी एक पद्धत मला खूप सोपी आणि सोयीस्कर वाटली ती मी इथे तुमच्याबरोबर शेअर करीत आहे. जर तुम्हाला ही सोडून इतर कोणतीही वेगळी पद्धत माहीत असेल तर तुम्हीही ती मला सुचवू शकता.
सध्या मी फेसबुक शेअर, फेसबुक लाईक, गुगल बझ वं याहू बझ यांच्या आयकॉन्सचे एचटीएमएल कोड इथे देत आहे. ते तुम्ही तुमची नवीन पोस्ट लिहून झाल्यावर त्याच्या खाली फक्त कॉपी पेस्ट करायचे. जुन्या पोस्टवरतीही तुम्ही हे अपडेट करू शकता. मी केले आहेत. तुम्ही ते इथे वं इथे बघू शकता.
ते कॉपी पेस्ट करताना तुम्हाला फक्त एक गोष्ट करावी लागेल ती म्हणजे तुम्हाला तुमच्या वर्डप्रेसच्या टेक्स्ट एडिटर मधील एचटीएमएल व्ह्यू मध्ये जाऊन हे कोड्स पेस्ट करावे लागतील. घाबरू नका. खूप सोपे आहे. फक्त एडिटरमधील एचटीएमएल व्ह्यूमध्ये जा. कंट्रोल एन्डने सर्वात खाली जा व इथे खाली दिलेले एचटीएमएल कोड्स तिथे पेस्ट करा. बस इतकेच. आता तुमच्या पोस्टची प्रिव्ह्यू पहा. तिथे तुम्हाला सगळ्या लिंक्सचे आयकॉन्स दिसतील. झाले तर मग आता तुम्हीही ब्लॉगरप्रमाणे एका क्षणात तुमची पोस्ट इतरत्र बझ किंवा शेअर करा.
प्रत्येक कोडच्या वर मी तुम्हाला समजण्यासाठी त्या त्या सोशल सर्विसचे नाव देत आहे. तुम्हाला हवी ती सर्विस तुम्ही सिलेक्ट करू शकता.
कॉपी पेस्ट करताना मात्र खालील फक्त एचटीएमएल कोड कॉपी वं पेस्ट करा. वरील नाव नको…नाहीतर एरर दाखवेल.
मित्रांनो खालील पाचही कोड्स तुम्ही एकाखाली एक असेही वा तुम्हाला हव्या त्या क्रमाने कॉपी पेस्ट करू शकता.
फेसबुक शेअर.
<a title=”Share on Facebook” href=”http://www.addtoany.com/add_to/facebook?linkurl=PASTE-POST-URL&type=page&linkname=PASTE-POST-TITLE&linknote=”><img title=”Share on Facebook” src=”https://zampya.files.wordpress.com/2010/08/facebook.png” alt=”Share on Facebook” width=”16″ height=”16″ /></a>
फेसबुक लाईक.
<a title=”Like this at Facebook” href=”http://www.facebook.com/plugins/like.php?href=PASTE-POST-URL&show_faces=true&width=450&action=like&colorscheme=light”><img title=”Like this at Facebook!” src=”https://zampya.files.wordpress.com/2010/08/facebook-like-button.jpg” alt=”Like this at Facebook!” width=”49″ height=”24″ /></a>
गुगल बझ.
<a title=”Google Buzz” href=”http://www.addtoany.com/add_to/google_buzz?linkurl=PASTE-POST-URL&type=page&linkname=PASTE-POST-TITLE&linknote=”><img title=”Google Buzz” src=”https://zampya.files.wordpress.com/2010/08/google-buzz-me.png” alt=”Google Buzz” width=”16″ height=”16″ /></a>
याहू बझ.
<a title=”Yahoo Buzz” href=”http://www.addtoany.com/add_to/yahoo_buzz?linkurl=PASTE-POST-URL&type=page&linkname=PASTE-POST-TITLE&linknote=”><img title=”Yahoo Buzz” src=”https://zampya.files.wordpress.com/2010/08/yahoobuzz.png” alt=”Yahoo Buzz” width=”16″ height=”16″ /></a>
ऑर्कुट वा इतर कोणतीही सर्विस .
<a title=”Add this anywhere” href=”http://www.addtoany.com/share_save?linkname=PASTE-POST-TITLE&linkurl=PASTE-POST-URL”><img title=”Add this anywhere” src=”https://zampya.files.wordpress.com/2010/08/addtoany.png” alt=”Add this anywhere” width=”16″ height=”16″ /></a>
——————————————————————————————————————————————————
झम्प्या झपाटलेला! 
